Маңғыстау облысы білім басқармасының Ақтау қаласы бойынша білім бөлімінің «Нұртас Оңдасынов атындағы №5 жалпы білім беретін мектеп» КММ, ”Адал азамат” біртұтас тәрбие бағдарламасы, “Ұшқыр ой алаңы” дебаттық қозғалысы жобасы аясында “Жастар неге шет мемлекетте білім алуға құмар?” тақырыбында 9 сыныптар арасында дебат ұйымдастырылды.*Мақсаты:* Қазақстандық жастардың шетелде білім алуға ұмтылуының себептерін анықтау, артықшылықтары мен қиындықтарын талдау.
Соңғы жылдары жастардың шетелдік жоғары оқу орындарына қызығушылығы артуда. Бұл құбылыс жаһандану, білім сапасына деген сұраныстың өсуі және кәсіби дамуға ұмтылумен тығыз байланысты.
*Негізгі себептер:*
1. *Білім сапасы мен академиялық еркіндік:* Дамыған елдердегі ЖОО-лар инновациялық әдістермен оқытады, ғылыммен айналысуға мүмкіндік мол.
2. *Тілді жетілдіру: Шетелде оқу арқылы жастар ағылшын, неміс, корей, жапон т.б. тілдерді еркін меңгереді.
3. *Халықаралық орта мен байланыс: Әртүрлі елдерден келген студенттермен танысу, көзқарасты кеңейту.
4. *Мансаптық мүмкіндіктер: Шетел дипломының еңбек нарығында бәсі жоғары.
5. *Мемлекеттік немесе халықаралық гранттар: Болашақ, Erasmus+, DAAD, Chevening секілді бағдарламалар жастарды ынталандырады.
Жастардың шет мемлекетте білім алуға құмартуы — заман талабына сай даму талпынысы. Алайда, шетелде оқып келген жастардың елге оралып, өз білімін Қазақстанның дамуына жұмсауы маңызды.
